Kanz al-Ummal: Hadith 6253

٦٢٥٣۔۔۔ دو بھوکے اور چیرپھاڑ کرنے والے بھیڑئیے جو ایسی بکریوں میں ہوں، جن کے چرواہے ان سے غافل ہوں اور ان سے پیچھے رہ گئے ہوں، ایک بھیڑیا ابتدا میں اور دوسرا انتہا میں ہو اتنا جلدی فساد نہیں مچاتے، جتنا فساد مسلمان آدمی کے دین میں مرتبہ اور مال کی طلب سے پیدا ہوتا ہے۔ (ھناد عن ابی جعفر ، مرسلاً )
تشریح :۔۔۔ اس واسطے کہ بھیڑیوں کا فساد، فساد ظاہری ہے جو پورا ہوسکتا ہے جبکہ شرف و مال کی محبت جب دل میں جاگزیں ہوجائے تو اس کا فساد، فساد باطنی ہے جو اور کئی فسادات کا پیش خیمہ ہے۔