Kanz al-Ummal: Hadith 6423

٦٤٢٣۔۔۔ دو خصلتیں ایسی ہیں کہ جس میں بھی ہوں گی اسے اللہ تعالیٰ شاکر و صابر شمار کرے گا، اور جس میں یہ دونوں عادتیں نہ ہوں گی اسے صابر و شاکر شمار نہیں کرے گا جس نے دین کے معاملہ میں اپنے سے اعلیٰ شخص کو دیکھا اور اس کی اقتداء اور پیروی کرنے لگا اور دنیا کے معاملہ میں اپنے سے ادنیٰ شخص کو دیکھا تو اللہ تعالیٰ کی تعریف کی کیونکہ اللہ تعالیٰ نے اسے اس
شخص پر فضیلت دی، اللہ تعالیٰ اسے صابر شاکر شمار کرے گا۔
اور جس نے دین کے معاملہ میں اپنے سے کم (عمل) شخص کو دیکھا اور دنیا کے معاملہ میں اپنے سے اعلیٰ کو دیکھا اور جو کچھ اس کے پاس نہ تھا اس کے نہ ہونے پر افسوس کیا، تو اللہ تعالیٰ اسے صابر و شاکر شمار نہیں کرے گا۔ (ترمذی عن ابن عمر)