Kanz al-Ummal: Hadith 6466

٦٤٦٦۔۔۔ جس بندے پر اللہ تعالیٰ نے کوئی نعمت کی ہو اور وہ اس کا علم رکھتا ہو کہ یہ اللہ تعالیٰ کی طرف سے ہے تو اللہ تعالیٰ اس کے لیے اس نعمت کا شکر ادا کرنے سے پہلے ہی اس کا شکر لکھ دیتے ہیں اور جو بندہ کوئی گناہ سرزد ہوجانے کے بعد نادم و پشیمان ہوتا ہے تو اللہ تعالیٰ مغفرت مانگنے سے پہلے اس کے لیے مغفرت لکھ دیتے ہیں اور جو بندہ ایک دینار یا آدھے دینار کا کپڑا خرید کر اسے پہنتا اور اللہ تعالیٰ کا اس پر شکر ادا کرتا ہے تو اس کپڑے کے گٹھنوں تک پہنچنے سے پہلے ہی اس کی مغفرت کردی جاتی ہے۔ (حاکم و تعقب، بیہقی عن عائشہ (رض))
تشریح :۔۔۔ یاد رکھیں ! نعمت کا شکر اور چیز ہے اور گناہ پر مغفرت کی طلب اور چیز ، معمولی لغزشیں عام نیکیوں سے معاف ہوجاتی ہیں لیکن قصدا کیے گئے گناہ بغیر معافی کے معاف نہیں ہوتے۔