Kanz al-Ummal: Hadith 68

٦٨۔۔ ایمان کی پانچ چیزیں ایسی ہیں کہ اگر کسی شخص میں ان میں سے کوئی نہ ہو تو اس کا ایمان ہی نہیں حکم الٰہی کے آگے سرتسلیم خم کرنا فیصلہ الٰہی پر راضی برضا رہنا، اپنے آپ کو اللہ کے سپرد کرنا، اللہ پر بھروسہ کرنا مصیبت کے پہلے جھٹکے میں صبر کرنا۔ البزار بروایت ابن عمر (رض) ۔ عدم ایمان سے کلیہ ایمان کی نفی نہیں ہے بلکہ ایمان کامل کی نفی ہے اور مصیبت کے پہلے جھٹکے میں صبر کرنا یہ فرمان رسول اللہ ایک عورت کو صبر کی تلقین کے وقت بھی ارشاد ہوا تھا،جس کے متعلق علامہ ابن حجر فرماتے ہیں روایۃ الاحکام اور مسلم میں محض صدمہ کا ذکر ہے اس صورت میں ہر مرتبہ صدمہ کے تازہ ہونے پر اجر ہوگا، لیکن کامل اجر پہلے صدمہ کے وقت ہی ہوگا۔