Kanz al-Ummal: Hadith 7818

٧٨١٨۔۔۔ خبردار ! اللہ والے نمازی ہوتے ہیں، جس نے یہ پانچ نمازیں ادا کیں جو اللہ تعالیٰ نے اپنے بندوں پر فرض کی ہیں ، رمضان کے روزے رکھتا ہو، اور اپنے روزے پر ثواب کی امید رکھتا ہو، اور ان کبیرہ گناہوں سے بچتا ہو جن سے اللہ تعالیٰ نے منع کیا ہے، کسی نے عرض کیا یارسول اللہ ! کبیرہ گناہ (کون سے ہیں) کتنے ہیں ؟ آپ نے فرمایا : وہ نو ہیں سب سے بڑا گناہ اللہ تعالیٰ کے ساتھ شرک کرنا ، ناحق کسی مسلمان کو قتل کرنا ، جنگ سے بھاگنا ، پاکدامن عورتوں پر تہمت لگانا، جادو کرنا، یتیم کا مال کھانا، سود کھانا، مسلمان والدین کی نافرمانی کرنا، بیت کا حرام (میں اس کی چیزوں) کو حلال سمجھنا جو تمہارے زندوں اور مردوں کا قبلہ ہے، جو شخص ایسی حالت میں مرے کہ ان میں سے کسی کبیرہ گناہ کا مرتکب نہ ہوا، نماز قائم کرتا ہو، زکوۃ ادا کرتا ہو تو وہ جنت کے وسط میں محمد (صلی اللہ علیہ وآلہ وسلم) کا رفیق ہوگا، جس کے دروازے سونے کی طرح ہوں گے۔ (طبرانی فی الکبیر ، بیھقی فی شعب الایمان ، حاکم عن عبید بن عمیر اللیشی عن ابیہ)