Kanz al-Ummal: Hadith 783

٧٨٣۔۔ مومنوں میں سب سے افضل وہ مومن ہے جس کا قلب مخموم یعنی حسد وکینہ وغیرہ سے پاک صاف اور اس کی زبان سچائی کی عادی ہو۔ صحابہ کرام رضوان اللہ علیہم اجمعین نے استفسار کیا، یارسول اللہ یہ مخموم القلب کیا ہے ؟ آپ نے فرمایا وہ شخص جو متقی گناہوں کی آلائش سے پاک صاف ہو، حسد اور کینہ وغیرہ سے پاک دل رکھتا ہے۔ صحابہ کرام نے پھر استفسار کیا ان صفات کے حامل شخص کے بعد کس مرتبہ ہوسکتا ہے تو فرمایا وہ لوگ جو دنیا سے غافل ہیں اور آخرت کو محبوب رکھنے والے ہیں صحابہ کرام نے پھر استفسار کیا ان کے بعد کس کا مرتبہ ہوسکتا ہے تو فرمایا وہ مومن جو عمدہ اخلاق سے متصف ہو۔ الحکیم ، الخرائطی فی مکارم الاخلاق ، بروایت ابن عمر (رض)۔