Kanz al-Ummal: Hadith 8275

٨٢٧٥۔۔۔ کیا تمہیں معلوم ہے کہ تمہارے رب نے آج کی رات کیا کہا ؟ اللہ تعالیٰ ) نے فرمایا : میرے کچھ بندے مجھ پر ایمان رکھتے ہیں اور کچھ میرا انکار کرتے ہیں ، ان میں سے جو یہ کہتا ہے : ہم پر اللہ تعالیٰ کے فضل ورحمت سے بارش ہوئی تو یہ مجھ پر ایمان رکھتا ہے اور ستاروں (کی تاثیر) کا انکار کرنے والا جو یہ کہتا ہے : کہ ہم پر اس طرح کی ھرکت سے بارش ہوتی ہے تو یہ میرا انکار کرنے والا اور ستاروں ( کی تاثیر) پر ایمان رکھنے والا ہے۔ (مسند احمد ، بیھقی، ابوداؤد، نسائی عن زید بن خالد)
تشریح :۔۔۔ سورج ، چاند اور ستارے اللہ تعالیٰ کی توحید و وحدانیت کی نشانیوں ہیں نہ کہ کائنات میں تاثیر کرنے والے ، علامات کو موثر سمجھنا عقلمندی بےوقوفی ہے ریل گاڑی آنے پر سرخ جھنڈی کا حرکت کرنا ریل کے آنے کی علامت ہے اب کوئی شخص کہے کہ میں سرخ جھنڈی ہلاتا ہوں تو ریل گاڑی کیوں نہیں آتی یہ اس کی بےوقوفی ہے۔ (ملفوظات تھانوی)