Kanz al-Ummal: Hadith 8459

٨٤٥٩۔۔۔ وافدبن سلامہ، یزید الرقاشی، حضرت انس (رض) سے روایت کرتے ہیں ، کہ رسول اللہ (صلی اللہ علیہ وآلہ وسلم) نے فرمایا : کیا تمہیں ایسے لوگوں کے بارے نہ بتاؤں جو نہ انبیاء ہوں گے اور نہ شہداء پھر بھی ان کے مرتبوں کی وجہ سے انبیاء اور شہدا ان پر رشک کریں گے، وہ نور کے منبروں پر ( ہونے کی وجہ سے) پہچانے جائیں گے، لوگوں نے عرض کیا : یارسول اللہ ! وہ لون لوگ ہیں ؟ آپ نے فرمایا : وہ لوگ جو بندوں کو اللہ تعالیٰ کا محبوب بناتے ہیں اور اللہ تعالیٰ کی محبت لوگوں کے دلوں میں پیدا کرتے ہیں ، زمین پر خیر خواہی سے چلتے ہیں ، میں نے کہا یہ تو ٹھیک ہے کہ اللہ تعالیٰ کی محبت لوگوں کے دلوں میں پیدا کرتے ہیں (لیکن) بندوں کو اللہ تعالیٰ کا محبوب کیسے بناتے ہیں ؟ آپ نے فرمایا : انھیں ایسی باتوں کا حکم دیتے ہیں جو اللہ تعالیٰ کو پسند ہیں ، اور ایسی باتوں سے روکتے ہیں جو اللہ تعالیٰ کو ناپسند ہیں تو جب یہ ان کی بات مانیں گے تو اللہ تعالیٰ انھیں اپنا محبوب بنالے گا۔ (بیھقی فی الشعب والنقاش فی معجمہ وابن النجار ووافد ویزید ضعیفان)