Kanz al-Ummal: Hadith 8520

٨٥٢٠۔۔۔ محمد بن ابی السری المتوکل عسقلانی، بکربن بشرالسملی سے وہ عبدالحمید بن سوار سے وہ ایاس بن معاویہ بن قرۃ سے وہ اپنے والد کے واسطہ سے اپنے دادا سے نقل کرتے ہیں وہ فرماتے ہیں : ہم لوگ رسول اللہ (صلی اللہ علیہ وآلہ وسلم) کے پاس بیٹھے تھے، آپ کے سامنے حیا کا تذکرہ ہوا، لوگوں نے عرض کیا : یا رسول اللہ ! کیا حیا دین کا جزو ہے ؟ آپ نے فرمایا : بلکہ سراپادین ہے پھر رسول اللہ (صلی اللہ علیہ وآلہ وسلم) نے فرمایا : حیاء پاکدامنی، اور زبان کی بندش نہ کہ دل کی بندش اور عمل ایمان کے اجراء ہیں یہ آخرت میں اس سے زیادہ بڑھ جاتی ہیں جتنی یہ دنیا میں کم ہوتی ہیں۔
بخل ، فحش گوئی اور بےہودہ گوئی نفاق کا اجزا ہیں، یہ دنیا میں بڑھتی ہیں اور آخرت میں دنیا کی نسبت زیادہ کم ہوجاتی ہیں۔
(الحسن ابن سفیان و یعقوب بن سفیان ، طبرانی فی الکبیر و ابوالشیخ ، حلیۃ الاولیاء والدیلمی ، ابن عساکر قال فی المغنی عبدالحمید بن سوار ضعیف وبکر بن بشر مجھول ومحمد بن ابی السری لہ مناکیر ومربرقم : ٥٧٨٧)