Kanz al-Ummal: Hadith 8526

٨٥٢٦۔۔۔ حضرت حذیفہ (رض) سے روایت ہے فرماتے ہیں : رسول اللہ (صلی اللہ علیہ وآلہ وسلم) کے زمانہ میں ایک نوجوان شخص تھا جو جہنم کے تذکرہ پر روپڑتا تھا، یہاں تک کہ اس حالت نے اسے گھر میں روک لیا (یعنی بیمار پڑگیا) نبی کریم (صلی اللہ علیہ وآلہ وسلم) سے اس کا ذکر کیا گیا آپ اس کے پاس تشریف لے گئے جب اس نوجوان نے آپ کو دیکھا تو (فوراً ) اٹھ کھڑا ہوا اور آپ کے گلے سے لگ کر فوت ہو کر گرپڑا، آپ (صلی اللہ علیہ وآلہ وسلم) نے فرمایا : اپنے دوست کی تجہیز وتکفین کرو ! کیونکہ جہنم کے خوف نے اس کا جگر بھاڑدیا ہے اس ذات کی قسم جس کے قبضہ قدرت میں میری جان ہے اللہ تعالیٰ نے اسے اس سے پناہ دے دی ہے، جو کسی چیز کی امید کرتا ہے اسے طلب کرتا ہے اور جو جس چیز سے خوف رکھتا ہے اس سے بھاگتا ہے۔ (ابن ابی الدنیا والموفق بن قدامۃ فی کتاب البکاء والرقد)