Kanz al-Ummal: Hadith 8576

٨٥٧٦۔۔۔ موسیٰ بن مطیر، ابواسحاق سے روایت کرتے ہیں فرماتے ہیں : مجھے حضرت براء بن عازب (رض) نے فرمایا : کیا میں تمہیں وہ دعا نہ سکھاؤں جو رسول اللہ (صلی اللہ علیہ وآلہ وسلم) نے مجھے سکھائی ہے ؟ جب تم دیکھو کہ لوگ سونے چاندی میں بڑھ چڑھ کر حصہ لے رہے ہیں تو تم یہ دعا مانگنا : اے اللہ ! میں آپ سے (دین کے) معاملہ میں ثابت قدمی کا سوال کرتا ہوں ، اور آپ کے فیصلہ پر رضا مندی کا سوال کرتا ہوں ، میں آپ سے محفوظ دل، سچی زبان اور جو خیر اور بھلائی آپ کے علم میں ہے اس کا سوال کرتا ہوں ، اور جو شر آپ کے علم میں ہے اس سے آپ کی پناہ اور جو (گناہ کی باتیں) آپ کے علم میں ہیں ان مغفرت طلب کرتا ہوں ۔ (طبرانی فی الکبیر و ابونعیم)
قال فی المغنی : موسیٰ بن مطیرقال غیر واحد : متروک الحدیث