Kanz al-Ummal: Hadith 8629

٨٦٢٩۔۔۔ حضرت عائشہ (رض) سے روایت ہے فرماتی ہیں : مجھ سے رسول اللہ (صلی اللہ علیہ وآلہ وسلم) نے فرمایا : میرے سامنے وہ اشعار پڑھو جو ایک یہودی نے کہے ہیں میں نے کہا اس نے کہا ہے : اپنے کمزور کی مدد کر کسی دن تجھے اس کا ضعف حیرت میں نہ ڈالے، جب تجھ پر مصائب کی کثرت ہوگی وہ تیری مدد کرے گا، وہ تجھے بدلہ دے گا یا تیری تعریف کرے گا ، کیونکہ جس نے تیرے کام کی وجہ سے تیری تعریف کی تو گویا اس نے بدلہ دیا۔
پھر رسول اللہ (صلی اللہ علیہ وآلہ وسلم) نے فرمایا : اللہ اسے ہلاک کرے جس قدر اچھے اشعار کہے ہیں ؟ جبرائیل میرے پاس اللہ تعالیٰ کا پیغام لے کر آئے، فرمایا : اے محمد ! (صلی اللہ علیہ وآلہ وسلم) جس شخص سے کوئی نیکی یا بھلائی کی جائے، وہ تعریف کے علاوہ کچھ نہ پائے ، تو تعریف کردے اور جس نے تعریف کی اس نے گویا پورا بدلہ دیا۔
ایک روایت میں ہے : جس سے نیکی کی گئی اور اس کے پاس سوائے دعا اور تعریف کے کچھ نہیں تو اس نے پورا بدلہ دیا۔ (بیھقی فی الشعب وضعف)