Kanz al-Ummal: Hadith 8637

٨٦٣٧۔۔۔ حضرت ابوسعید (رض) سے روایت ہے فرمایا : رسول اللہ (صلی اللہ علیہ وآلہ وسلم) نے فرمایا : مومن کے بدن میں جو تکلیف بھی ہوتی ہے اللہ تعالیٰ اسے اس کے گناہوں کا کفارہ بنادیتے ہیں، تو حضرت ابی بن کعب (رض) نے عرض کیا : اے اللہ میں آپ سے سوال کرتا ہوں کہ ابی بن کعب کے جسم پر ہمیشہ ایسا بخار رہے جو اسے بچھاڑدے ، اور جو نماز ، حج ، عمرہ اور آپ کے راستہ میں جہاد کرنے سے نہ روکے ، یہاں تک کہ وہ اسی حال میں آپ سے ملے چنانچہ انھیں وہی بخار ہوگیا، اور مرتے دم تک ان سے جدا نہیں ہوا اور وہ اسی حالت میں نماز (باجماعت) کے لیے حاضر ہوتے ، روزہ رکھتے حج، عمرہ اور جہاد کرتے۔ (ابن عساکر ، دیکھیں صفات الصحابہ)