Kanz al-Ummal: Hadith 8847

٨٨٤٧۔۔۔ (الصدیق (رض)) حضرت معقل بن یسا (رض) سے روایت ہے کہ حضرت ابوبکر الصدیق نے فرمایا : اور اس بات پر رسول اللہ (صلی اللہ علیہ وآلہ وسلم) کی گواہی دی کہ آپ نے شرک کا ذکر کرکے فرمایا : وہ تم میں چیونٹی کی چال سے بھی زیادہ پوشیدہ ہے، تو حضرت ابوبکر (رض) نے عرض کیا : یا رسول اللہ ! کیا شرک یہ نہیں کہ اللہ تعالیٰ کے ساتھ دوسرا معبود بنایا جائے ، تو آپ نے فرمایا : ابوبکر تمہاری ماں تمہیں روئے، شرک تم لوگوں میں چیونٹی کی چال سے بھی زیادہ مخفی ہے اور میں تمہیں ایک رات بتاؤں گا جب اسے کرلوگے تو تم سے چھوٹے بڑے سب شرک دور ہوجائیں گے، یا فرمایا :” چھوٹا بڑا شرک “ تم کہا کرو : اے اللہ ! میں جان بوجھ کر آپ کا شریک بنانے سے آپ کی پناہ چاہتا ہوں اور جن باتوں کا مجھے علم نہیں ، ان کی آپ سے معافی چاہتا ہوں۔ (ابن راھویہ، ابویعلی وسندہ ضعیف)