Kanz al-Ummal: Hadith 887

٨٨٧۔۔ یقیناً عنقریب فتنہ برپا ہوگا ، استفسار کیا گیا تو اس سے خلاصی کی کیا صورت ہے فرمایا کتاب اللہ اس میں ماقبل کی خبریں ہیں مابعد کی پیشن گوئی ہیں یہ تمہارے درمیان اختلافات کا حکم اور فیصلہ ہے یہ فیصلہ کن قول ہے کوئی ہزل گوئی نہیں ہے جس نے اس کو سرکشی کی وجہ سے ترک کیا اللہ اس کو کاٹ کر رکھ دیں گے ، اور جس نے اس کے سوا کہیں اور ہدایت تلاش کی اللہ اس کو گمراہ کردیں گے یہ اللہ کی مضبوط رسی ہے ، دانائی کا تذکرہ ہے سیدھی راہ ہے ، خواہشات نفسانیہ اس میں کج روی پیدا نہیں کرسکتیں، علماء اس سے سیر نہیں ہوتے ۔ زبانیں اس کے ساتھ ملتبس نہیں ہوتیں بارہا دھرانے سے پرانا نہیں ہوتا اس کے عجائبات کا خزانہ ختم نہیں ہوتا، یہ وہی کلام ہے جس سے جن بھی دور نہ رہ سکے قرآن سناتو بےساختہ پکاراٹھے ہم نے عجیب کلام سنا ہے جو ہدایت کی طرف راہنمائی کرتا ہے جس نے یہ کہا سچ کہا، جس نے اس کے ساتھ فیصلہ کیا، عدل و انصاف کا فیصلہ کیا، جو اس پر عمل بجالایا اجرپا گیا۔ جس نے اس کی دعوت دی اس کو سیدھی راہ کی راہنمائی مل گئی۔ ترمذی، بروایت علی (رض)۔