Kanz al-Ummal: Hadith 8874

٨٨٧٤۔۔۔ (مسند ابی جری جابربن سلیم اھجیمی التیمی (رض)) ابوتمیمۃ ھجیمی سے روایت ہے کہ حضرت ابوجری جابر (رض) نے فرمایا : میں اپنی سواری پر سوار ہو کر نبی (صلی اللہ علیہ وآلہ وسلم) کی طلب میں مکہ آیا، دیکھا تو آپ تشریف فرما ہیں، میں نے کہا : السلام علیک یارسول اللہ ! آپ نے فرمایا : وعلیک ، میں نے عرض کیا ہم دیہاتی لوگوں میں سخت مزاجی ہوتی ہے آپ مجھے کوئی ایسی بات سکھادیں جس کے ذریعہ اللہ تعالیٰ مجھے نفع دے۔
آپ نے فرمایا : اللہ تعالیٰ سے ڈراکر اور کسی نیکی یا بھلائی کو حقیر نہ سمجھنا ، اور ازار (شلوار) لٹکانے سے بچنا، کیونکہ یہ تکبر ہے، اور اللہ تعالیٰ کسی متکبر کو پسند نہیں کرتا، اتنے میں ایک شخص نے کہا : آدھی پنڈلی اور ٹخنوں تک کوئی حرج نہیں ، تم سے پہلے کسی شخص نے ایک چادر اوڑھی، جس میں وہ اترانے لگا اللہ تعالیٰ نے عرش سے اس کی طرف دیکھا، اور اس سے ناراض ہو کر زمین کو حکم دیا (کہ اسے نگل) تو زمین نے اسے پکڑلیا، سو وہ زمین کے درمیان حرکت کررہا ہے اللہ تعالیٰ کے (قابل عذاب) واقعات سے بچو۔ (ابونعیم)