Kanz al-Ummal: Hadith 9229

9229 ۔۔۔ فرمایا کہ ” انسان جو کماتا ہے اس میں سب سے پاک مال وہ ہے جو وہ خود محنت کر کے کماتا ہے اور آدمی جو اپنے آپ پر، اپنے گھر والوں پر اپنی اولاد پر اپنے خادموں پر جو کچھ بھی خرچ کرتا ہے تو وہ اس کے لیے صدقہ ہوتا ہے۔ (ابن ماجہ بروایت حضرت مقدام (رض) )
فائدہ :۔۔۔ ان احادیث مبارکہ سے معلوم ہوا کہ صرف حلال کمائی سے ہی نہیں بلکہ حلال اور جائز ضروریات اور مصارف میں خرچ کرنا بھی صدقے کا ثواب رکھتا ہے اور یہ بھی معلوم ہوا کہ جب اپنی ضروریات میں مال خرچ کرنا بھی باعث اجر وثواب ہوسکتا ہے تو غیر ذمہ داری کا مظاہرہ کرتے ہوئے مال کو لہو ولعب میں نہیں خرچ کرنا چاہیے۔ (مترجم)