Kanz al-Ummal: Hadith 941

٩٤١۔۔ بیشک شیطان مایوس ہوگیا ہے کہ تمہاری اس سرزمین میں اس کی عبادت کی جائے لیکن اس کے سوا جن اعمال کا تمہیں بھی خطر ہے ان میں وہ اپنی اطاعت کیے جانے پر راضی ہوگیا۔ سو انتہائی محتاط رہو، میں تم میں ایسی چیز چھوڑے جارہاہوں اگر تم اس کو مضبوطی سے تھام لوتوہرگز کبھی گمراہی میں نہ پڑو گے وہ اللہ کی کتاب اور تمہارے نبی کی سنت ہے بیشک ہر مسلمان دوسرے مسلمان کا بھائی ہے تمام مسلمان باہم بھائی بھائی ہیں کسی شخص کے لیے اپنے بھائی کا مال حللا نہیں ہے الایہ کہ وہ خود اپنی رضا ورغبت سے دوسرے کو کچھ دیدے ، اور ظلم وستم نہ ڈھاؤ، اور میرے بعد کافر ہو کرنہ پھرجانا کہ ایک دوسرے کی گردنیں مارنے لگو۔ المستدرک للحاکم بروایت ابن عباس (رض)۔