Kanz al-Ummal: Hadith 9412

9408 ۔۔۔ فرمایا کہ ” چھ عادتیں حرام میں سے ہیں۔
1 ۔۔۔ امام کا رشوت لینا، اور یہ سب سے بدترین حرام ہے۔
2 ۔۔۔ کتے کی قیمت۔
3 ۔۔۔ اپنے مذکر جانور کی کمائی۔
4 ۔۔۔ رنڈی کا معاوضہ۔
5 ۔۔۔ حجام کی کمائی۔
6 ۔۔۔ کاہن اور اس کی باتوں کو حلال سمجھنا۔ (ابن مردویہ بروایت حضرت ابوھریرہ (رض) )
فائدہ :۔۔۔ یعنی یہ چھ عادات یا کام حرام ہیں، (اول) امام کا رشوت لینا، یہاں امام سے مراد حکمران ہے، چونکہ حکمران ہر طرح صاحب اختیار ہوتا ہے اس لیے اس زبردست عہدے اور منصب کے ہوتے ہوئے رشوت لینا بدترین حرکت ہے۔
کتے کی قیمت اس کے بارے میں وضاحت پہلے گزرچکی ہے۔ یعنی اگر کسی شخص کے پاس بکریاں ہیں۔ بکرا نہیں اور وہ چاہتا ہے کہ اس کی بکریا گابھن ہوں اور بچے دے تو اپنی بکریوں کو ایسے شخص کے پاس لے جاتا ہے جس کے پاس بکرا ہو، اس کے بکرے سے اپنی بکریوں کا جنسی اختلاط کرواتا ہے اور اس کام کا معاوضہ ادا کرتا ہے، تو یہ جو معاوضہ ہے یہ بھی حرام ہے۔
ان کی وضاحت بھی پہلے گزرچکی ہے۔
کہانت کو ماننا، کاہن کی باتوں پر یقین کرنا ، اس کے معاوضے وغیرہ کو جائز و حلال سمجھنا بھی حرام ہے۔ واللہ اعلم بالصواب (مترجم)