Kanz al-Ummal: Hadith 9450

9446 ۔۔۔ فرمایا کہ اے تاجروں کے گروہ ! اس خریدو فروخت میں فضولیات اور قسمیں ہوتی ہیں لہٰذا اس میں صدقہ ملالیا کرو “۔ (مسند احمد سنن ابی داؤد، نسائی ابن ماجہ، مستدرک حاکم اور متفق علیہ بروایت حضرت قیس بن ابی غررۃ (رض) )
فائدہ :۔۔۔ مطلب یہ ہے کہ خریدو فروخت کی مجلس ایک ایسی مجلس ہوتی ہے جہاں جھوٹ بھی بولاجاتا ہے، قسمیں بھی کھائی جاتی ہیں، شورشرابہ بھی ہوتا ہے اور مختلف قسم کی دیگر فضولیات بھی ہوتی ہیں اور یہ سب گناہ کے کام ہیں لہٰذا ان کے کفارے کے طور پر کچھ صدقہ خیرات بھی کردینا چاہیے کہ یہ مجلس وبال نہ بن جائے۔ (مترجم)