Kanz al-Ummal: Hadith 997

٩٩٧۔۔ آگاہ رہو۔ عنقریب فتنہ رونما ہوگا دریافت کیا گیا یارسول اللہ اس سے خلاصی کی کیا صورت ہوگی فرمایا کتاب اللہ اس میں تم سے ماقبل اور مابعد کی خبریں ہیں۔ اور تمہارے درمیان وقوع پذیر اختلاف کا فیصلہ ہے یہ فیصلہ کن قول ہے نہ کہ یا وہ گوئی۔ جس نے اس کو سرکشی کی وجہ سے ترک کیا اللہ اس کو کاٹ کردکھ دیں گے۔ اور جس نے اس کے سوا کہیں اور ہدایت تلاش کی اللہ اس کو گمراہ کردیں گے یہ اللہ کی مضبوط رسی ہے دانائی کا تذکرہ ہے سیدھی راہ ہے۔ خواہشات نفسانیہ اس میں کج روی پیدا نہیں کرسکتیں۔ زبانیں اس میں ملتبس نہیں ہوسکتیں، علماء اس سے سیر نہیں ہوتے۔ بار بار دہرانے سے پرانا نہیں ہوتا، اس کے عجائبات کا خزانہ ختم نہیں ہوتا، یہ وہی کلام ہے جس سے جن بھی باز نہ رہ سکے قرآن سنا تو بےساختہ پکار اٹھے ہم نے بہت ہی عجیب کلام سنا جو ہدایت کی طرف رہنمائی کرتا ہے سو ہم اس پر ایمان لائے جس کا بھی یہ کلام ہے سچاکلام ہے جس نے اس کے ساتھ فیصلہ کیا عدل و انصاف کا فیصلہ کیا۔ جو اس پر عمل بجالاؤ اجرپا گیا۔ جس نے اس کی دعوت دی ، اسے سیدھی راہ کی راہنمائی مل گئی۔ ترمذی، بروایت علی (رض)۔ حدیث ضعیف ہے۔