10004 ۔۔۔ حضرت علی (رض) فرماتے ہیں کہ عنقریب لوگوں پر ایسا سخت زمانہ آنے والا ہے کہ خوشحال آدمی بھی اپنی چیز کو مضبوطی سے تھام رکھے گا اور اس کے بارے میں کسی کو کچھ حکم نہ دے گا، اللہ تعالیٰ کا فرمان ہے کہ ” تم آپس میں ایک دوسرے پر احسان کرنے کو فراموش نہ کرو “۔ (سورة البقرۃ آیت 237)
برے لوگ آگے بڑھ جائیں گے اور بھلوں کی رسوائی ہوگی مجبوروں سے خریدو فروخت کی جائے گی جبکہ نبی کریم (صلی اللہ علیہ وآلہ وسلم) نے مجبور لوگوں سے خریدو فروخت سے منع فرمایا ہے اور دھوکے کی بیع سے بھی اور پھلوں کی بیع سے بھی قبل اس سے کہ ان کو پکا لیا جائے “۔ (سنن سعید بن منصور، مسند احمد، ابوداؤد ، ابن ابی حاتم، خرائطی فی مساوی الاخلاق، متفق علیہ)