10012 ۔۔۔ حضرت جابر (رض) فرماتے ہیں کہ میں نے فتح مکہ کے دن جناب رسول اللہ (صلی اللہ علیہ وآلہ وسلم) کو فرماتے سنا کہ “ بیشک اللہ اور اس کے رسول نے شراب، خنزیر، مردار اور بتوں کی خریدو فروخت کو حرام قرار دے دیا ہے، ایک شخص نے سوال کیا یا رسول اللہ ! چربی کے بارے میں آپ کیا فرماتے ہیں کیونکہ اس سے کشتیوں اور کھالوں کو لگایا جاتا ہے ؟ (وہ شخص مزید وضاحت چاہ رہا تھا) تو آپ (صلی اللہ علیہ وآلہ وسلم) نے ارشاد فرمایا ، اللہ یہودیوں کو قتل کرے، جب اللہ تعالیٰ نے ان پر چربی کو حرام قرار دیا تو انھوں نے اس کو لے لیا اور پگھلا لیا اور بیچا اور اس کی قیمت کھا گئے۔ (ابن ابی شیبہ، بخاری، مسلم، ابوداؤد، نسائی، ابن ماجہ)