10040 ۔۔۔ حضرت ابو جعفر (رض) فرماتے ہیں کہ حضرت ابو اسید (رض) جناب نبی کریم (صلی اللہ علیہ وآلہ وسلم) کے پاس بحرین سے قیدی لے کر آئے تو آپ (صلی اللہ علیہ وآلہ وسلم) نے ان میں سے ایک عورت کی طرف دیکھا جو رو رہی تھی، تو آپ (صلی اللہ علیہ وآلہ وسلم) نے اس عورت سے دریافت فرمایا کہ تم کیوں رو رہی ہو ؟ تو وہ عورت بولی کہ انھوں نے میرے بیٹے کو بیچ دیا ہے، جناب نبی کریم (صلی اللہ علیہ وآلہ وسلم) نے حضرت ابواسید (رض) سے دریافت فرمایا کہ کیا تم نے اس کے بیٹے کو بیچا ہے ؟ حضرت ابو اسید (رض) نے فرمایا جی ہاں آپ (صلی اللہ علیہ وآلہ وسلم) نے پھر دریافت فرمایا کہ کن لوگوں میں بیچا ہے ؟ تو حضرت ابو اسید (رض) نے بتایا کہ بنو عبس میں تو آپ (صلی اللہ علیہ وآلہ وسلم) نے فرمایا کہ تم خود سوار ہو کر جاؤ اور اس بچے کو واپس لے کر آؤ “۔ (ابن ابی شیبہ)