10043 ۔۔۔ عطاء خراسانی فرماتے ہیں کہ عبداللہ بن عمرو بن العاص (رض) نے فرمایا ، یا رسول اللہ ! ہم آپ کے بہت سے ارشادات سنتے رہتے ہیں کیا آپ مجھے اجازت دیں گے کہ میں لکھ لیا کروں ؟ آپ (صلی اللہ علیہ وآلہ وسلم) نے فرمایا کہ ہاں لکھ لیا کرو، چنانچہ سب سے پہلے جو چیز جناب نبی کریم (صلی اللہ علیہ وآلہ وسلم) نے لکھوائی وہ اہل مکہ کی طرف تھی اور وہ یہ تھی کہ ایک بیع میں دو شرطیں جائز نہیں اور نہ ہی بیع اور سلف جائز ہیں ایک ساتھ (اسی طرح) جس چیز کی ضمانت نہیں اس کی بیع بھی جائز نہیں، اور اگر کسی نے سو درہم پر مکاتبت کی تھی اور ننانوے چکا دئیے تو وہ بدستور غلام رہے گا یا سو اوقیہ پر مکاتبت کی تھی اور نناوے اوقیہ ادا کردئیے تو بھی وہ بدستور غلام رہے گا “۔ (مصنف عبدالرزاق)
فائدہ :۔۔۔ اگر کوئی شخص اپنے غلام سے یہ طے کرلے کہ تم مجھے اتنی اتنی رقم کما کر دے دو تم آزاد ہو توآقا اور غلام کے درمیان اس معاہدے کو کتابت یا مکاتبت کہتے ہیں۔ (مترجم)