١٠٠٩۔۔ اے ابن خطاب ! کیا تم اس ملت میں حیران وشک زدہ ہو، قسم ہے اس ذات کی جس کے قبضہ میں میری جان ہے میں یہ خالص اور صاف ستھری ملت تمہارے پاس لایاہوں لہٰذا تم اہل کتاب سے کسی مسئلہ کے متعلق سوال مت کرو ممکن ہے کہ وہ تم سے حق بیانی سے کام لیں مگر تم اس کی تکذیب میں مبتلا ہوجاؤ یا وہ دروغ گوئی کریں مگر تم ان کی تصدیق کرنے لگو۔ قسم ہے اس ذات کی جس کے قبضہ میں میری جان ہے اگر موسی بھی حیات ہوتے تو ان کو بھی میری اتباع کے سوا کوئی ٹھکانا نہ ہوتا۔ مسنداحمد، ابن ماجہ، بروایت ابن عباس (رض)۔ روایت بالا کا پس منظر یہ ہے کہ حضرت عمر فاروق حضور انور کی خدمت عالیہ میں اہل کتاب کی کتاب کا ایک نسخہ لے کر حاضر خدمت ہوئے جس کی وجہ سے نبی کریم غضبناک ہوگئے اور آپ نے مندرجہ بالا وعید ارشاد فرمائی۔