10102 ۔۔۔ جناب نبی کریم (صلی اللہ علیہ وآلہ وسلم) کے ماموں حضرت اسود بن وھب بن مناف بن زھرۃ القرشی الزھری (رض) فرماتے ہیں کہ میں جناب نبی کریم (صلی اللہ علیہ وآلہ وسلم) کی خدمت اقدس میں حاضر ہوا، تو آپ (صلی اللہ علیہ وآلہ وسلم) نے فرمایا کہ کیا میں آپ کو سود کے بارے میں ایک چیز نہ بتاؤں، شاید اس سے اللہ تعالیٰ آپ کو فائدہ پہنچائیں ؟ میں نے عرض کیا ضرور، تو آپ (صلی اللہ علیہ وآلہ وسلم) نے فرمایا کہ سود کے ستر دروازے ہیں ؟ ان میں سے ایک دروازہ ستروادیوں کے برابر ہے جن میں سے سب سے کم گناہ کی وادی ایسی ہے جیسے کوئی شخص اپنی ماں کے ساتھ لیٹے، اور سودوں کا سودیہ ہے کہ کوئی شخص اپنے (مسلمان) بھائی کی عزت کے پیچھے لگا رہے “۔ (ابن مندہ و ابونعیم)