10107 ۔۔۔ فضیل بن غزوان کہتے ہیں کہ ابودھقانہ نے مجھ سے حدیث بیان کی کہ میں حضرت عبداللہ بن عمر (رض) کے پاس بیٹھا ہوا تھا، تو انھوں نے حضرت بلال (رض) کے حوالے سے بیان کرنا شروع کیا کہ حضرت بلال (رض) فرماتے ہیں کہ ایک مرتبہ جناب نبی کریم (صلی اللہ علیہ وآلہ وسلم) کے پاس ایک مہمان تشریف لائے تو آپ (صلی اللہ علیہ وآلہ وسلم) نے مہمان کے لیے کھانا حاضر کرنے کا حکم دیا، کھجوریں اچھی نہ تھیں چنانچہ میں نے ان میں سے دو صاع لے کر ایک صاع عمدہ کھجوروں سے تبدیل کروالیں اور لے آیا، آپ (صلی اللہ علیہ وآلہ وسلم) نے پوچھا یہ کہاں سے آئیں تو میں نے بتایا کہ دو صاع کے بدلے ایک صاع کی ہیں تو آپ (صلی اللہ علیہ وآلہ وسلم) نے فرمایا کہ ہماری کھجوریں ہمارے پاس واپس لاؤ “۔ (ابو نعیم)