10113 ۔۔۔ ابو الحدثان سے مروی ہے کہ انھوں نے سو دینار کے بدلے بیع صرف کرنا چاہی، فرمایا کہ پھر طلحۃ بن عبید اللہ نے مجھے بلایا اور ہم دونوں راضی ہوگئے اور وہ مجھ سے سونا اپنے ہاتھوں میں لے کر الٹنے پلٹنے لگے اور کہا کہ ذرا میرا خزانچی دیہات سے آجائے، یہ باتیں حضرت عمر (رض) سن رہے تھے، چنانچہ فرمایا کہ جب تک اس سے وصول نہ کرلو اس سے جدامت ہونا، پھر فرمایا کہ جناب رسول اللہ (صلی اللہ علیہ وآلہ وسلم) نے فرمایا کہ سونا چاندی کے بدلے بیچنا سود ہے البتہ یہ ہے کہ ہاتھ درہاتھ ہو اور گندم، گندم کے بدلے سود ہے مگر ہاتھ درہاتھ اور جو جو کے بدلے سود ہے اگر ہاتھ درہاتھ نہ ہو اور کھجور کھجور کے بدلے سود ہے اگر ہاتھ درہاتھ نہ ہو “۔ (موطا مالک، عبدالرزاق، حمیدی، مسند احمد، عدنی، دارمی، بخاری، مسلم، ابوداؤد، ترمذی، ابن جارود، ابن حبان)