10144 ۔۔۔ مجاہد فرماتے ہیں کہ ایک سنار نے حضرت ابن عمر (رض) سے پوچھا کہ میں (سونا چاندی وغیرہ) پگھلاتا ہوں پھر اس کو اس کے وزن سے زیادہ کے بدلے فروخت کردیتا ہوں، اور اضافہ اپنے ہنر کی اجرت کے طور پر وصول کرتا ہوں، تو حضرت ابن عمر (رض) نے اس کو منع فرمادیا، سنار بار بار ان سے یہی پوچھنے لگا تو حضرت ابن عمر (رض) نے فرمایا کہ، دینار کے بدلے اور درہم، درہم کے بدلے بیچا جائے گا ان میں کوئی اضافہ نہ ہوگا، جناب نبی کریم (صلی اللہ علیہ وآلہ وسلم) نے ہم سے یہی وعدہ لیا تھا اور ہم نے بھی ان سے یہی وعدہ کیا تھا “ اور تمہاری طرف بھی ان کا یہی وعدہ ہے “۔ (عبدالرزاق)