١٠١٥۔۔ میری ، تمہاری اور دیگرانبیاء کی مثال اس جماعت کی سی ہے ۔۔ جو چلتے چلتے ایک ایسے بےنشان جنگل میں جاپہنچی۔ کہ انھیں یہ بھی معلوم نہ ہورہا کہ اب تک قطع کی ہوئی مسافت زیادہ ہے یا باقی ماندہ ۔ حتی کہ وہ اسی سرگردانی میں تھک ہارچکے زادہ راہ ختم ہوچکی آخرجنگل کے درمیان بےآسرا گرپڑے۔ اب انھیں اپنی ہلاکت کا کامل یقین ہوگیا ہے اسی یاس وقنوط کی حالت میں ان پر ایک بہترین پوشاک زیب تن کے شخص کا گذر ہوا جس کے سر سے پانی کے قطرات ٹپک رہے ہیں، اسے دیکھ کر اہل جماعت آپس میں کہنے لگے یہ شخص تازہ تازہ کسی شاداب وتروتازہ جگہ سے آیا ہے یہ سوچ کر وہ اس کی طرف گئے اس خوش عیش نے اس جماعت سے دریافت کیا یہ تمہارا کیا ماجرا ہے ؟ کہنے لگے تم دیکھ رہے ہو ہم انتہائی لاغر وناتواں ہوچکے ہیں ہمارا زاد سفر ختم ہوچکا ہے اور جنگل کے درمیان بےآسراپڑا ہے ہمیں یہ تک نہیں معلوم کہ کتناسفر طے ہوچکا ہے اب تک قطع کی ہوئی مسافت زیادہ ہے یا باقی ماندہ۔ اس خوش پوشاک نے کہا کہ اگر میں تمہیں کسی بہتے چشمے اور سرسبز و شاداب باغ میں اتاردوں تو میرا کیا صلہ ہوگا ؟ اہل جماعت نے کہا ہم تمہیں منہ مانگا دیں گے۔ خوش عیش بھلا کیا تم مجھے اس بات کا عہد و پیمان دیتے ہو کہ میری نافرمانی نہ کرو گے ؟ اہل جماعت نے اس شخص کو کامل یقین دلایا کہ وہ اس کی کسی حکم کی نافرمانی نہ کریں گے۔ آخر اس بھلے شخص نے ان کو شاداب باغات اور جاری چشموں کی جگہ پہنچادیا۔ پھر کچھ عرصہ بعد وہ نیک شخص بولا اب اٹھو اور ان باغات سے بڑھ کر عمدہ شاداب باغات اور اس پانی سے بہتر پانی کی طرف چلو اس پر قوم کے سربرآور وہ اشخاص بولے یہی ہمارے لیے کافی ہے ہم تو قریب تھا کہ اس پر بھی قادر نہ ہوتے لیکن دوسرے کچھ لوگ بولے کیا تم نے پہلے اس شخص سے قول وقرار نہ کیے تھے کہ ہم تیری اطاعت سے منہ نہ موڑیں گے اب اس کی پاسداری کیوں نہیں کرتے ؟ اس نے پہلی بار تم سے سچ بولا تھا اور ضروریہ دوسری بات بھی پہلی کی طرح سچی ہوگی، لہٰذا وہ اس خیرخواہ کے ساتھ چل دیے ۔ اور اس نے انھیں پہلی سے بھی بدرجہا بہتر جگہ پر جا اتارا اور وہاں پانی کے میٹھے چشمے بہہ رہے تھے اور سرسبز شادابی اپنے عروج پر تھی۔ اور پچھلے جن لوگوں نے اس کی اطاعت سے سرتابی کی تھی ، ان پر دشمن نے راتوں رات آکریلغار کی، حتی کہ ان کی صبح اس حالت میں ہوئی کہ کچھ تہ تیغ ہوگئے اور بقیہ اسیر ہوگئے۔ الامثال للرامھزمزی ، ابن عساکر، بروایت ابن المبارک، قال بلغنا عن الحسن وقال ابن عساکر، ھذامرسل وشبہ، انقطاع بروایت اس المبارک والحسن۔