١٠١٧۔۔ کیا میں تم کو اپنی اور پروردگار کے فرشتوں کی سرگزشت نہ سناؤں جو آج رات میرے ساتھ بیتی ہے۔ وہ میرے پاس آئے اور مجھ پرچھاگئے میرے سرہانے ، پائنتی اور دائیں بائیں بیٹھ گئے۔ اور کہنے لگے اے محمد، تیری آنکھ سوتی رہے مگر دل نہ سوئے ۔ اور تیرا دل وہی کرے جو ہم کہیں ، پھر ایک نے کہا محمد کے لیے کوئی مثال بیان کرو، دوسرے نے کہا، ان کی مثال اس شخص کی سی ہے ، جس نے ایک گھر بنایا۔ اور ایک پیغام رساں کو بھیجا کہ جاکرلوگوں کو بلالائے۔ پس جس نے داعی کی پکار پر لبیک کہا، وہ گھر میں داخل ہوگیا اور وہاں کی دعوت میں شریک ہوا۔ اور جس نے داعی کی پکار پر توجہ نہ دی وہ گھر میں داخل نہ ہوسکا، اور نہ شریک دعوت ہوسکا اور سردار بھی اس پر غضبناک ہوا سو جان لو، سردار تو اللہ ہے۔ محمد داعی ہے۔ جس نے محمد کی دعوت پر لبیک کہا جنت میں داخل ہوگیا اور وہاں کی مرغوبات سے تناول کیا اور جس نے محمد کی ، دعوت کو قبول نہ کیا وہ جنت میں داخل ہوسکا نہ وہاں کی نعمتوں سے متمتع ہوسکا۔ التاریخ للحاکم، الدیلمی، بروایت عبدالرحمن بن سمرہ۔