10415 ۔۔۔ فرمایا کہ ” اللہ تعالیٰ فرماتے ہیں کہ میں نے اپنے بندے کو چار باتوں کے ساتھ فضیلت دی، میں نے دانے پر کیڑا مسلط کردیا اگر میں ایسا نہ کرتا تو بادشاہ (گندم وغیرہ کے ) دانوں کو سونے اور چاندی کی طرح ذخیرہ کرنے لگتے۔
اور میں نے جسم میں بدبو پیدا کردی، اگر ایسا نہ ہو تو کوئی قریبی دوست اپنے قریبی دوست کو کبھی دفن نہ کرتا، اور میں نے تسلی کو غم پر مسلط کردیا، اگر ایسا نہ ہو تو نسل ختم ہوجاتی اور میں نے مدت مقرر کردی اور خواہش و آرزو کو طویل کردیا، اگر یہ نہ ہوتا تو دنیا ویران ہوجاتی، اور کوئی کام کاج والا اپنے کام کاج میں کمزوری کا مظاہرہ نہ کرتا “۔ (خطیب بروایت حضرت براء بن عازب (رض))