10447 ۔۔۔ حضرت ابوعبیدۃ بن الجراح (رض) اپنے لشکر میں پھر رہے تھے اور یہ فرما رہے تھے کہ سنو ! بعض لوگ ایسے ہیں جو اپنے کپڑوں کو سفید رکھتے ہیں لیکن اپنے دین کو میلا کرنے والے ہیں، سنو ! بعض لوگ ایسے ہیں جو آج اپنے نفس کا احترام کرتے ہیں اور وہی کل ان کو ذلیل کرنے والا ہوگا، سوجلدی سے آگے بڑھو اور پرانے پرانے گناہوں کے بدلے نئی نئی نیکیاں کرو، لہٰذا اگر تم میں سے کوئی اتنی برائیاں کرے کہ زمین و آسمان کا درمیان فاصلہ بھردے اور پھر ایک نیکی کرے تو وہ ایک نیکی ان سب برائیوں کے اوپر چڑھ جائے گی اور زبردستی ان سب کو دبادے گی۔ (یعقوب بن سلیمان)