١٠٤٩۔۔ دین میں قیاس آرائی مت کرو۔ کیونکہ دین میں قیاس کو دخل نہیں۔ اور سب سے پہلے قیاس کرنے والاشخص ابلیس تھا۔ الدیلمی بروایت علی (رض)۔ اس سے اس قیاس کی مذمت مقصود نہیں جو مجتہدین امت کرتے آئے ہیں کیونکہ وہ درحقیقت قرآن وحدیث کے مخفی احکام سے پردہ اٹھانے کا نام ہے اور شیطان نے قیاس اس طرح کیا کہ آدم کی اصل مٹی ہے اور میں آگ سے پیدا کردہ ہوں اور مٹی کی فطرت پستی ہے اور آگ کی فطرت اوپراٹھنا ہے توبھلاایک عالی وبلند چیز مشت خاکی کو کیوں سجدہ کرے ؟۔