10755 ۔۔۔ فرمایا کہ ” گھوڑے پر خرچہ کرنے والا ایسا ہے جیسے صدقہ کے لیے ہاتھ پھیلائے ہوئے کوئی شخص جو صدقہ لیتا ہے، اور اس (گھوڑے) کا پیشاب اور لید وغیرہ قیامت کے دن اللہ تعالیٰ کے ہاں پاکیزہ مشک کی مانند ہوگا “۔ (ابن سعد، طبرانی، بروایت یزید بن عبداللہ بن غریب عن ابیہ عن جدہ )
فائدہ :۔۔۔” صدقے کے لیے ہاتھ پھیلائے ہوئے شخص جو صدقہ لے لیتا ہے “ اس جملے سے مرادیہ ہے کہ خرچہ کرنے والا بظاہر تو اپنے گھوڑے پر خرچہ کررہا ہے جو اس نے جہاد فی سبیل اللہ کی نیت سے پالا ہے، لیکن درحقیقت وہ اس ہاتھ سے بےانتہاء اجر وثواب لے رہا ہوتا ہے تو اس اجرو ثواب لینے کو یہاں صدقہ لینے سے تشبیہ دی، واللہ اعلم بالصواب۔ (مترجم)