١٠٨٠۔۔ ہدایا وعطایا وصول کرتے رہو، جب تک کہ وہ عطایاہی رہیں، مگر جب وہ دین کے معاملہ میں رشوت بن جائیں تو ہاتھ روک لو۔ اور فقر وفاقہ اس سلسلہ میں رکاوٹ ثابت نہ ہوں۔ آگاہ رہو کہ عنقریب کتاب اور امام جدا ہوجائیں گے مگر تم کتاب کونہ چھوڑنا۔ خبردار عنقریب تم پر ایسے مسلط حاکم ہوں گے جو اپنے لیے تو بہتر فیصلے کریں گے مگر دوسروں کے لیے ایسے فیصلہ نہ کریں گے اور اگر تم ان کی نافرمانی کرو گے تو وہ تم کو تہ تیغ کر ڈالیں گے اور اگر تم ان کی اطاعت کرو گے تو وہ تم کو گمراہ کر ڈالیں گے صحابہ کرام نے استفسار کیا یارسول اللہ پھر ہم کیا کریں ؟ فرمایا جس طرح عیسیٰ بن مریم کے اصحاب نے کیا۔ وہ آریوں سے چیر دیے گئے اور سولیوں پر لٹکائے گئے اور جان رکھو، اللہ کی اطاعت میں مرجانا، اللہ کی معصیت میں زندگی گزارنے سے بدرجہا بہتر ہے۔ الکبیر للطبرانی ، بروایت معاذ (رض)۔