١٠٩۔۔ اللہ عزوجل قیامت کے روز امت کے ایک فرد کو تمام مخلوق کے سامنے بلائیں گے پھر اس کے اعمال ناموں کے ننانوے دفتر اس کے سامنے پیش ہوں گے ہر دفتر انتہانظر تک پھیلاہوگا، پھر اللہ تعالیٰ اس سے فرمائیں گے کیا تو ان میں سے کسی چیز کا انکار کرتا ہے ؟ شاید نامہ اعمال لکھنے والے محافظ فرشتوں نے کچھ ظلم کردیاہو، وہ عرض کرے گا نہیں پروردگار۔ پھر اللہ تعالیٰ اس سے فرمائیں گے کیا تیرے پاس ان کا کوئی عذر ہے وہ عرض کرے گایا پروردگار نہیں۔ پھر للہ اس سے فرمائیں گے لیکن ہمارے پاس تیری ایک نیکی ہے اور آج کے دن تجھ پر ظلم کوئی نہیں ہوگا، پھر ایک کاغذ کا ٹکڑانکلا جائے گا، جس میں اشھد ان لاالہ الا اللہ واشھد ان محمد عبدہ وردولہ، درج ہوگا، اللہ فرمائیں گے جا اس کو وزن کرالے۔ بندہ عرض کرے گا پروردگار اتنے عظیم دفتروں کے مقابلے میں یہ اتنا ساپرزہ کیا کرے گا ؟ کہا جائے گا کہ آج کے دن پر تجھ پر کوئی ظلم نہ ہوگا، اور پھر تمام دفتروں کو ایک پلڑے میں اور اس کاغذ کو ایک پلڑے میں رکھ دیا جائے گا، اور کاغذ والاپلڑا اس قدر وزنی ہوگا کہ وہ تمام دفتر اڑتے پھریں گے بیشک اللہ کے نام کے مقابلے میں کوئی چیز وزنی نہیں ہے۔ مسنداحمد مستدرک ، شعب الایمان بروایت ابن عمرو (رض) ۔