10942 ۔۔۔ فرمایا کہ ” اے لوگو ! یقیناً تم نے یہودیوں کے اموال میں جلدی کی، سنو ! معاہدین کا مال ناحق لے لینا حلال نہیں، اور تم پر گھریلو گدھوں، گھوڑوں ! اور خچروں کا گوشت حرام ہے، اور ہر پھاڑ کھانے والے جانور کا بھی اور پنجے والے پرندوں کا گوشت بھی حرام ہے “۔ (مسند احمد، ابوداؤد، باوردی، بروایت حضرت خالد بن ولید (رض) )
طبرانی یہ بھی اضافہ کیا ہے کہ ” فرمایا کہ ” سنو ! کوئی شخص اپنے تخت پر تکیہ لگائے یہ نہ کہے کہ جو ہم نے کتاب اللہ میں سے حلال پایا اسے حلال کیا اور جو کتاب اللہ میں حرام پایا اسے حرام قرار دیا، سنو ! میں بھی تم پر معاہدین کا مال ناحق لینا حرام قرار دیتا ہوں، سنو ! جس کی وہ طاقت نہ رکھتا تھا یا اس سے اس کی رضامندی کے بغیر کوئی چیز لے لی، تو میں قیامت کے دن اس کے حق میں لڑوں گا۔ (بروایت صفوان بن سلم عن من ابناء الصحابۃ من آبادنیۃ (رض) )
اور بخاری مسلم میں یہ اضافہ ہے، کہ ” سنو ! جس نے کسی معاہد کو قتل کردیا جو اللہ اور اس کے رسول کے ذمہ پر تھا تو اس پر جنت کی خوشبو بھی حرام کردی جاتی ہے حالانکہ اس کی خوشبو ستر سال کی مسافت سے آتی ہے “۔