١١١١۔۔ اسلام میں جبر واکراہ اور تعذیب رسائی نہیں اور نہ آبادیوں سے دور جانے کا حکم اور نہ دنیا سے کنارہ کشی اور رہبانیت کا حکم ہے۔ شعب الایمان بروایت طاوس مرسلا۔
حدیث میں خزام، زمام، سیاحہ، اور تبتل کے الفاظ آئے ہیں خزام اونٹ کی ناک میں نکیل ڈالنے کو کہتے ہیں جس کو محاورہ اردو کے مطابق ناک میں نتھ ڈال دی ، بھی کہتے ہیں، یعنی اس کو مجبور وبے بس کردیا۔ اور زمام کا بھی یہی مطلب ہے اور س کا معنی لگام وعنان ڈالنا۔ دونوں کا مقصود ایک ہی ہے سیاحہ سے یہاں مقصود آبادیوں سے دور چلے جانا اور تجرد کی زندگی اپنانا ہے تبتل کا بھی یہی مطلب ہے۔