١١١٤۔۔ جب کوئی شخص بدعت کو اپنا شیوہ بنالیتا ہے تو شیطان اس سے کنارہ کش ہوجاتا ہے اور وہ عبادت میں منہمک ہوجاتا ہے اور شیطان اس پر خشوع و خضوع اور خشیت طاری کردیتا ہے ابونصر بروایت انس (رض)۔
درحقیقت کسی صاحب بدعت شخص کے قعر مذلت و گمراہی میں پڑنے کے لیے شیطان کا یہ کامیاب ترین حربہ ہے بدعتی شخص اپنی ان کیفیات باطنیہ کو دیکھ کر اپنے حق ہونے کا پختہ یقین کرلیتا ہے اور پھرا سے توبہ کی توفیق بھی نہیں ہوتی۔ جبکہ اللہ تعالیٰ کسی بدعتی کا کوئی عمل ہی قبول نہیں فرماتے ۔ اس طرح گمراہی کا یہ جال اپنی گرفت کو بدعتی شخص کے گرد سخت کرتا جاتا ہے۔ اعاذنا اللہ منہا۔