11209 ۔۔۔ فرمایا کہ ” کیا تم جانتے ہو کہ میری امت کے شہید کون ہیں ؟ عرض کیا کہ مسلمان کا قتل ہونا شہادت ہے، فرمایا کہ پھر تو میری امت کے شہید بہت کم ہوں گے ؟ مسلمان کا قتل ہونا شہادت ہے، پیٹ کی بیماری میں مرنا شہادت ہے، ڈوب کر مرنا شہادت ہے، اور وہ عورت جس کا بچہ اس کو قتل کردے تو وہ موت بھی شہادت ہے “۔ ابن سعد بروایت حضرت عبادۃ بن الصامت (رض) )
فائدہ :۔۔۔ بچے کے ہاتھوں قتل ہونے سے مراد یہ ہے کہ اگر کوئی عورت بچے کی ولادت کے وقت ہونے والی تکلیف برداشت نہ کرسکی اور وفات پاگئی تو وہ بھی شہید ہے، واللہ اعلم بالصواب۔ (مترجم)