11305 ۔۔۔ فرمایا کہ ” اما بعد ! سرزمین روم سے مدینہ کی طرف واپس لوٹتے ہوئے تمہارا نمائندہ ہم تک پہنچا اور وہ چیز پہنچائی جو تم نے اسے دے کر بھیجا تھا اور تمہارے بارے میں اطلاع دی اور ہمیں تمہارے اسلام اور مشرکوں کو قتل کرنے کے بارے میں بتایا، تحقیق اللہ تعالیٰ نے تمہیں اپنی ہدایت سے نوازا اگر تم نے اصلاح کی، اللہ اور اس کے رسول کی اطاعت کی ، نماز قائم کی زکوۃ ادا کی اور مال غنیمت میں سے اللہ کا خمس اور اس کے نبی اور صفی کا حصہ نکالا اور وہ صدقہ بھی نکالو جس کی ادائیگی مومنین پر ضروری ہے “۔ (ابن سعید بروایت شھاب بن عبداللہ الخولانی عن رجل) یہ روایت اس شخص سے ہے جو فساط میں غوطہ نامی جگہ پر جناب رسول اللہ (صلی اللہ علیہ وآلہ وسلم) سے ملا اور حمیر والوں کا پیغام پہنچایا تو جواب میں نبی کریم (صلی اللہ علیہ وآلہ وسلم) نے مذکورہ تحریر لکھوائی۔ علاوہ ازیں دیکھیں مراسیل ابو داؤد۔