11326 ۔۔۔ حضرت انس (رض) سے مروی ہے فرماتے ہیں کہ ایک شخص حضرت عمر (رض) کے پاس آیا اور عرض کیا اے امیرالمؤمین مجھے کچھ دیجئے میں نے جہاد کا ارادہ کیا ہے تو حضرت عمر (رض) نے ایک اور شخص سے کہا کہ اس کا ہاتھ پکڑو اور بیت المال لے جاؤ اس کا جو جی چاہے لے لے سو وہ داخل ہوا تو وہاں بہت سی زردوسفید چیزیں تھیں اس نے کہا یہ کیا ہے مجھے ان کی ضرورت نہیں مجھے تو سواری اور سفر کا توشہ چاہیے تو وہ اس شخص کو واپس حضرت عمر (رض) کے پاس لے گئے اور اس نے جو کہا تھا بتادیاتو حضرت عمر (رض) نے اس کے لیے سواری اور زادراہ مہیا کرنے کا حکم دیا اور اس کو خود اپنے ہاتھ سے سوار کرنے لگے، جب وہ سوار ہوگیا تو اس نے اپنے ہاتھ اٹھائے اور حضرت عمر (رض) نے اس کے ساتھ جو معاملہ کیا تھا اور جو دیا تھا اس پر اللہ کی حمد وثناء کی اور حضرت عمر (رض) اس خواہش میں اس کے پیچھے چل رہے تھے کہ وہ ان کے لیے دعا کرے گا تو جب وہ فارغ ہوا تو اس نے کہا اے میرے اللہ ! حضرت عمر (رض) کو بہترین بدلہ عطا فرما “۔ (ھناد)