11336 ۔۔۔ سالم بن ابی الجعد فرماتے ہیں کہ ہم سے جابربن سبرۃ الاسدی نے حدیث بیان کی اور فرمایا کہ میں نے سنا کہ رسول اللہ (صلی اللہ علیہ وآلہ وسلم) فرما رہے تھے، جہاد کا ذکر کرتے ہوئے فرمایا کہ بیشک شیطان ابن آدم کو گھیرنے کے لیے اس کے راستوں میں بیٹھا سو اسلام کے راستے میں بھی بیٹھا اور کہا کہ تو مسلمان ہوتا ہے اور اپنا اور اپنے بزرگوں کا دین چھوڑتا ہے ؟ لیکن اس نے شیطان کی نافرمانی کی اور مسلمان ہوگیا، پھر اس (ابن آدم) کے پاس ہجرت سے پہلے آیا اور کہا کہ تو ہجرت کررہا ہے اور اپنی زمین اور اپنی جائے نشوونما اور جائے پیدائش چھوڑرہا ہے ؟ اور اپنے گھر والوں کو ضائع کررہا ہے ؟ لیکن اس نے شیطان کی نافرمانی کی اور ہجرت کرلی، پھر اس کے پاس جہاد سے پہلے آیا، اور کہا اس نے اس کی نافرمانی کی اور جہاد کیا پھر رسول اللہ (صلی اللہ علیہ وآلہ وسلم) نے فرمایا کہ یہ اللہ تعالیٰ پر حق ہے کہ جس نے یہ سب کیا اور سواری سے گرا اور مرگیا تو اس کا اجر اللہ کے ذمے ہے اور اگر قتل ہوگیا اور گرز گیا تو اللہ کے ذمے ہے کہ اس کو جنت میں داخل کرے “۔ (ابونعیم)