11369 ۔۔۔ حضرت علی (رض) سے مروی ہے فرمایا کہ جناب نبی کریم (صلی اللہ علیہ وآلہ وسلم) کے ہاتھ مبارک میں عربی کمان تھی ، آپ (صلی اللہ علیہ وآلہ وسلم) نے ایک شخص کو دیکھا کہ اس کے ہاتھ میں فارسی کمان ہے تو دریافت فرمایا کہ یہ کیا ہے ؟ اسے پھینک دو ، تمہارے لیے یہ اور اس جیسی دوسری چیزیں اور نیزے ضروری ہیں، کیونکہ صرف انہی سے اللہ تعالیٰ تمہارے دین میں اضافہ فرمائیں گے اور تمہیں شہروں میں ٹھکانا دیں گے “۔ (ابن ماجہ)
فائدہ :۔۔۔ یہ اور اس جیسی مراد عربی کمان اور دیگر چیزیں تیر نیزے وغیرہ ہیں اور شہروں میں ٹھکانا دینے سے مراد ہے کہ شہروں کو فتح کردیں گے۔ واللہ اعلم بالصواب۔ (مترجم)