11407 ۔۔۔ حضرت ابن عمر (رض) سے مروی ہے فرمایا کہ حضرت ابوبکر صدیق (رض) نے یزید بن ابی سفیان کو لشکر دے کر شام کی طرف روانہ فرمایا اور ان کے ساتھ پیدل تقریبا دومیل تک گئے، عرض کیا گیا کہ اے رسول اللہ (صلی اللہ علیہ وآلہ وسلم) کے خلیفہ۔ (اتنی تکلیف برداشت کرنے کے بجائے) اگر آپ واپس تشریف لے جائیں (تو بہتر نہ ہوگا ؟ ) تو آپ (رض) نے فرمایا کہ ” نہیں اس لیے کہ میں نے رسول اللہ (صلی اللہ علیہ وآلہ وسلم) سے سنا فرمایا کہ جس کے دونوں پیر اللہ کے راستے میں غبار آلود ہوگئے تو اللہ تعالیٰ ان کو آگ پر حرام کردیں گے، پھر جب ابوبکر صدیق (رض) واپس روانہ ہونے لگے تو لشکر میں کھڑے ہوئے اور فرمایا کہ میں تمہیں اللہ سے ڈرنے کی وصیت کرتا ہوں اور نافرمانی نہ کرنا ، اور نہ مال غنیمت میں خیانت کرنا، اور بزدلی نہ کرنا، اور نہ کسی گرجے کو منہدم کرنا اور نہ کسی درخت کو کاٹنا اور نہ کسی کھیتی کو جلانا اور نہ کسی جانور کو مارنا ، اور نہ کسی پھل دار درخت کو کاٹنا، اور نہ کسی بٖڈھے کھوسٹ کو قتل کرنا نہ بچے کو ، نہ چھوٹے کو اور نہ کسی عورت کو ، تمہیں ایسے لوگ بھی ملیں گے جنہوں نے کو خود کو بند کررکھا ہوگا ان کو وہیں چھوڑدیں، اور تمہیں ایسے لوگ بھی ملیں گے کہ جن کے سروں میں شیطانوں نے اپنے بیٹھنے کے لیے جگہیں بنا رکھی ہیں سو ایسے لوگوں کی گردنیں اڑا دینا اور تم ایسے شہروں میں پہنچنے والے ہو جہاں صبح شام تمہارے پاس رنگ رنگ کے کھانے آئیں گے سو کوئی کھانا تمہارے پاس ایسا نہ آئے جس پر تم اللہ کا نام نہ لو اور کوئی کھانا تمہارے سامنے سے ایسا نہ اٹھایا جائے جس پر تم نے اللہ کی حمد نہ کی ہو۔ (ابن زنجویہ)