11423 ۔۔۔ حضرت یزید بن ابی حبیب سے مروی ہے فرمایا کہ حضرت عمر بن خطاب (رض) نے حضرت سعد بن ابی وقاص (رض) کو لکھا کہ میں نے آپ کو لکھا تھا کہ آپ تین دن تک لوگوں کو اسلام کی دعوت دیں، اگر کوئی قتال سے پہلے آپ کی بات مان لے تو وہ بھی مسلمانوں میں سے ایک شخص ہے اس کے لیے بھی وہ سب کچھ ہے جو مسلمانوں کے لیے ہے اور اسلام میں اس کا حصہ ہے، اور اگر کوئی آپ کی دعوت کو قتال کے بعد قبول کرے یا شکست کے بعد قبول کرے تو مسلمانوں کے مال فے میں سے اس کے لیے کچھ نہیں کیونکہ مسلمان اس مال کو اس کے اسلام سے پہلے ہی جمع کرچکے ہیں سو یہی میرا حکم ہے آپ کی طرف “۔ (ابوعبید)