11453 ۔۔۔ مسند عمر (رض) سے حضرت خالد بن یزین بن ابی مالک اپنے والد سے روایت کرتے ہیں فرمایا کہ مسلمان جابیہ کے مقام پر ٹھہرے ہوئے تھے ان میں حضرت عمر (رض) بھی تھے ، تو ذمیوں میں سے ایک شخص ان کے پاس آیا اور بتلایا کہ لوگ اس کے انگوروں کے باغ کو تباہ کررہے ہیں، چنانچہ حضرت عمر (رض) نکلے ہی تھے کہ انھیں ایک شخص ملا اپنے ساتھیوں میں سے جو انگوروں کے گچھے اٹھائے ہوئے تھا، اس کو دیکھ کر حضرت عمر (رض) نے پوچھا کیا تو بھی ؟ اس نے عرض کیا، اے امیر المومنین ہم بہت بھوکے تھے، تو حضرت عمر (رض) واپس تشریف لے گئے اور باغ والے کو انگوروں کی قیمت ادا کی “۔ (ابوعبید)