11455 ۔۔۔ حضرت سوید بن غفلہ (رض) فرماتے ہیں کہ جب حضرت عمر (رض) شام آئے ، تو اہل کتاب میں سے ایک شخص کھڑا ہوا اور عرض کیا اے امیر المومنین ، مومنوں میں سے ایک شخص نے میرا یہ حال کیا ہے جو آپ دیکھ رہے ہیں (اس شخص کا سر بھی پھٹا ہوا تھا ، اور پٹائی بھی لگی ہوئی تھی) حضرت عمر (رض) کو سخت غصہ آیا پھر حضرت صہیب (رض) سے فرمایا اور دیکھو اس کا حشر کس نے کیا ہے، حضرت صہیب (رض) گئے تو دیکھا کہ وہ حضرت عوف بن مالک الاشجعی (رض) تھے، حضرت صہیب (رض) نے فرمایا کہ امیرالمومنین تم سے سخت ناراض ہیں اور غصے میں ہیں لہٰذا حضرت معاذ بن جبل (رض) کے پاس جاؤ اور بات کرلو کیونکہ میں ڈرتا ہوں کہ کہیں حضرت عمر (رض) تمہارے بارے میں جلدی نہ کریں سو جب حضرت معاذ کے پاس آکر تفصیل بتا رہے تھے، پھر حضرت معاذ (رض) کھڑے ہوئے اور عرض کیا اے امیرالمومنین وہ عوف بن مالک ہیں ان سے صفائی سن لیجئے اور ان کے معاملے میں جلدی نہ کیجئے ، حضرت عمر (رض) نے دریافت فرمایا کہ تیرا اور اس کا کیا قصہ ہے، حضرت عوف (رض) نے عرض کیا اے امیر المومنین میں نے اس شخص کو دیکھا کہ ایک مسلمان عورت کو پکڑ کرلئے جارہا ہے اور ماررہا ہے تاکہ اس کو بچھاڑ دے، پھر اس نے اس عورت کو بچھاڑا نہیں بلکہ دھکادے دیا وہ گرپڑی تو اس نے اس عورت کو ڈھانپ لیا یا اس پر حاوی ہوگیا حضرت عمر (رض) نے فرمایا کہ اس عورت کو لاؤ تاکہ تمہاری بات کی تصدیق کردے، حضرت عوف (رض) اس عورت کے پاس پہنچے تو اس کے والد اور شوہر نے کہا کہ ہم جائیں گے اور تیری بات پہنچائیں گے، چنانچہ وہ دونوں حضرت عمر (رض) کی خدمت میں حاضر ہوئے اور حضرت عوف (رض) کی بات کی تائید کی چنانچہ حضرت عمر (رض) نے اس یہودی کو پھانسی دینے کا حکم دیا، اور فرمایا کہ اس بات پر تم سے صلح نہیں کی، پھر فرمایا اے لوگو ! محمد (صلی اللہ علیہ وآلہ وسلم) کے ذمے میں اللہ سے ڈرو، سو اگر ان میں سے کسی نے ایسی حرکت کی تو اس کا کوئی حصہ نہیں، حضرت سوید (رض) فرماتے ہیں کہ یہی پہلا یہودی شخص ہے جسے میں نے اسلام میں پھانسی دیتے ہوئے دیکھا “۔ (ابوعبید ، سنن کبری بیھقی)